İsveç atom elektrik stansiyalarında quraşdırılan ən güclü "Oskarshamn-3" reaktoru yanacağın zədələnməsi səbəbindən müvəqqəti olaraq istismardan çıxarılıb. "Report" xəbər verir ki, bu barədə SVT telekanalı məlumat yayıb.

AES reaktorları müntəzəm olaraq planlı profilaktik təmirdən keçir. "Oscarshamn-3"də təmir ötən ilin aprelində baş tutmalı idi.

Reaktorun dayandırılması fevralın 19-da baş tutacaq. Fövqəladə vəziyyətin insanlar və ətraf mühit üçün heç bir təhlükə yaratmadığı bildirilir.

Nüvə reaktoru fevralın 27-dək 9 gün müddətinə bağlanacaq.

“Oskarshamn-3” 1 450 meqavat elektrik enerjisi istehsal edir ki, bu da istismar müddəti bitmiş iki sələfinin birgə istehsalından çoxdur.

Mütəxəssislərin fikrincə, reaktorun dayandırılması elektrik enerjisinin bahalaşması riski deməkdir.