“Kollektiv Təhlükəsizlik Müqaviləsi Təşkilatının (KTMT) Nizamnaməsi qurumun hərbi və ya sülhməramlı qüvvələrinin “Luqansk Xalq Respublikası” və “Donetsk Xalq Respublikası”na girməsinə icazə vermir”. regionxeberlericom.az “Report”a istinadən xəbər verir ki, bunu Qazaxıstan Baş nazirinin müavini və xarici işlər naziri Muxtar Tleuberdi fevralın 22-də jurnalistlərin sualına cavabında bildirib.

Onun sözlərinə görə, bu, praktik olaraq mümkün deyil:

“KTMT sülhməramlılarının ora göndərilməsi üçün BMT Təhlükəsizlik Şurasının qətnaməsi və uyğun mandatı olmalıdır”.

Qeyd edək ki, Rusiya Prezidenti Vladimir Putin fevralın 21-də Ukraynanın şərqindəki “Luqansk Xalq Respublikası” və “Donetsk Xalq Respublikası”nın tanınmasına dair fərman imzalayıb.