“Rəsmi Dəməşq Rusiyanın LXR və DXR-i tanımasını dəstəkləyir”. regionxeberlericom.az yeniavaz.com-a istinadla xəbər verir ki, bunu Suriyanın xarici işlər naziri Faysal Mikdad bildirib.

“Dünən cənab prezident Putin, həqiqətən, tarixdə əlamətdar hadisə olacaq bir bəyanatla çıxış etdi və siz bilirsiniz ki, Suriya Ərəb Respublikası prezident Putinin bəyanatını tam dəstəkləyir”, - o, “Valday” Klubunun Yaxın Şərq konfransı zamanı deyib.

Suriya XİN rəhbəri əlavə edib ki, ölkə xalqı "LXR" və "DXR" ilə həmrəydir:

“İnanırıq ki, hazırkı şərtlər əməkdaşlığımızı gücləndirməyə kömək edəcək, çünki bu əməkdaşlıq insan naminədir”.

O, həmçinin qeyd edib ki, Suriya tezliklə qondarma LXR və DXR-nin müstəqilliyini tanıya bilər.