ABŞ Kiyev və NATO müttəfiqləri ilə SSRİ istehsalı olan MiQ-29 qırıcılarının Polşa tərəfindən Ukraynaya mümkün transferi ilə bağlı texniki problemləri müzakirə edir.

Bunu Ağ Evin mətbuat katibi Cen Psaki jurnalistlər üçün keçirdiyi növbəti brifinqdə deyib.

“Hazırda ABŞ-ın Müdafiə Naziri Lloyd Ostin, ABŞ-ın Birləşmiş Qərargah Rəisləri Komitəsinin sədri general Mark Milli və müdafiə heyətimiz ukraynalı həmkarları və NATO-dan olan həmkarları ilə əlaqə saxlayır, aşkar logistika problemlərini müzakirə edirlər” –deyə məlumatda bildirilir.

Qeyd edək ki, Polşa Ukraynaya yardım üçün NATO-ya MiQ-29 qırıcıları vermək barədə təklif irəli sürmüşdü.