Böyük “Saratov” desant gəmisinin ukraynalı hərbçiləri tərəfindən məhv edilməsi, Rusiyada Ukrayna sahillərinə yaxınlaşmaqdan çəkindirəcək. Dia.az teleqraf.com-a istinadla xəbər verir ki, bu barədə İngiltərə Müdafiə Nazirliyinin Kəşfiyyat Xidmətinin məlumatında bildirilib.

“Saratov desant gəmisinin Berdyanskda məhv edilməsi, çox güman ki, Rusiya Hərbi Dəniz Qüvvələrinin gələcəkdə Ukrayna sahillərinin bilavasitə yaxınlığında əməliyyatlar keçirmək imkanlarına olan inamını sarsıdacaq”, - məlumatda deyilib.

İngilis kəşfiyyatı həmçinin bildirib ki, Rusiya donanması bütün Ukrayna ərazisindəki hədəflərə ara-sıra raket zərbələri endirməkdə davam edir.