23 yaşlı italyan qırıcı təyyarə pilotu Culiya Şiff Ukraynada Rusiyanın hücumlarından müdafiəyə qoşulub.

Məlumata görə, Culiya İtaliya Hərbi Hava Qüvvələrinin keçmiş pilotudur. İndi Kiyevi Rusiya ordusunun hücumlarından qoruyur. Müharibənin əvvəlindən o, Beynəlxalq Ərazi Müdafiə Legionunun könüllülərinin tərkibində xidmət edir. O, bölməsində yeganə qadındır.

Bir neçə ay əvvəl Culiya, Pozzuoli Akademiyasında üzləşdiyi mobbing və “dedovşina” ilə bağlı rəsmi şikayətlərə görə İtaliya Hərbi Hava Qüvvələrindən qovulub. 

Məlumata görə, Culiyanın kişi həmkarları təyyarədə onun başına vurub, daha sonra kürəyinə qamçı ilə vuraraq hovuza atıblar.

Müşahidə kameralarına düşən videoya baxmayaraq, məhkəmə qanun pozanların tərəfini tutub və Şiffi İtaliya Hərbi Hava Qüvvələrindən qovulub. Buna görə Culyia vaxtından əvvəl ordunu tərk etmək məcburiyyətində qalıb.