ABŞ Rusiya Prezidenti Vladimir Putinin qızlarına, xarici işlər naziri Sergey Lavrovun həyat yoldaşı və qızına və Rusiya Təhlükəsizlik Şurasının bir sıra üzvlərinə qarşı sanksiyalar tətbiq edib.

Bu barədə ABŞ administrasiyasının yüksək rütbəli nümayəndəsi bildirib.

“Bu gün biz Putinin övladlarına, nazir Lavrovun həyat yoldaşı və qızına və Rusiya Təhlükəsizlik Şurasının üzvlərinə qarşı sanksiyalar tətbiq edirik”, - xəbərdə qeyd edilib.

Bundan başqa, ABŞ Rusiyanın baş naziri Mixail Mişustinə və Təhlükəsizlik Şurasının sədr müavini Dmitri Medvedevə qarşı tam bloklayıcı sanksiyalar tətbiq edib.