Volodimir Zelenski praktiki məsələləri, o cümlədən silah təchizatını müzakirə etmək üçün Almaniya kansleri Olaf Şolzun Kiyevə səfərini gözləyir.

Bu barədə Ukrayna Prezident Ofisinin rəhbərinin müşaviri Aleksiy Arestoviç “ARD” telekanalının efirində bildirib.

“Prezidentimiz kansleri gözləyir ki, o, silah tədarükü ilə bağlı bilavasitə praktiki qərarlar qəbul edə bilsin”, - Arestoviç deyib.

O, həmçinin Zelenskinin Almaniya prezidenti Frank-Valter Ştaynmayeri Kiyevdə qəbul etməkdən imtinasının səbəblərini bilmədiyini də qeyd edib.