Ukraynanın yüksək rütbəli rəsmiləri bir neçə həftədir ki, Vaşinqtondan Ukraynanı Rusiyanın hücumlarından sahilləri mühafizə etmək üçün gəmi əleyhinə raketlərlə təmin etməyi xahiş edirlər.

Bu barədə “The New York Times” Amerika rəsmiləri arasındakı mənbələrinə istinadən məlumat yayıb.

Bildirilib ki, Rusiyanın “Moskva” raket kreyserinin Ukrayna tərəfindən batırılmasından sonra ABŞ bu tələbi yerinə yetirmək qərarına gəlib.

13 apreldə keçirilən görüşdə Pentaqon yüksək rütbəli rəsmiləri də ABŞ hərbi podratçılardan ABŞ-ın ukraynalılara və ya Amerika müttəfiqlərinə verə biləcəyi əlavə gəmi əleyhinə raketlər üçün təkliflər hazırlamağı xahiş ediblər.

Ukraynanın Rusiya Qara Dəniz Donanmasının flaqmanı olan Moskvaya hücumu sahildən buraxılan gəmi əleyhinə raketlərin gücünün parlaq nümayişi olub. ABŞ Müdafiə Nazirliyinin yüksək rütbəli rəsmisi deyib ki, bu, Ukraynanın daha çox belə silah tələb etməsinin çox uzaqgörən olduğunu göstərib.