Rusiya Müdafiə Nazirliyi bu ölkənin Silahlı Qüvvələrinin Ukraynaya hücumu zamanı ölən və ağır yaralanan ukraynalı hərbçilərin siyahısını ilk dəfə açıqlayıb.

Bu barədə Rusiya MN məlumat yayıb.

Hərbi idarənin məlumatına görə, Ukrayna Silahlı Qüvvələrinin bərpa olunmaz itkiləri 23 367 nəfərdir.

“Rusiya Müdafiə Nazirliyinin sərəncamında olan sənədlər də çoxlu sayda fərari, yaralı və itkin düşmüş hərbçilərdən xəbər verir”, - MN qeyd edib.

Ukrayna dilində tərtib edilmiş siyahılarda hərbçinin soyadı, adı və atasının adı, rütbəsi, vəzifəsi, doğum tarixi, ölüm halları və cəsədin yeri və ya zədənin xarakteri və diaqnoz göstərilir.

Qeyd edək ki, Ukrayna prezidenti Zelenski 16 apreldə “CNN”ə müsahibəsində ordusunun yeddi həftəlik müharibədə itkilərini açıqlayıb. Zelenskinin sözlərinə görə, 2500-3000 hərbçi ölüb, 10 minə yaxın hərbçi isə yaralanıb.