“Ukrayna bu həftə ölkənin şərqindəki Donbas bölgəsində Rusiyanın təmas xətti boyunca çoxsaylı hücumlarını dəf edib”.

Bu məlumat Böyük Britaniyanın Müdafiə Kəşfiyyatının (DI) Ukraynadakı müharibə ilə bağlı yaydığı son hesabatında qeyd olunub. Bildirilir ki, Rusiyanın bəzi ərazi uğurları əldə etməsinə baxmayaraq, Ukrayna müqaviməti bütün istiqamətlərdə güclü olub və Rusiya qüvvələri əhəmiyyətli itkilər verib:

"Rusiyanın zəif əhval-ruhiyyəsi və əvvəlki hücumlardan sonra qüvvələrin yenidən qurulması, yenidən təchiz edilməsi və yenidən təşkili üçün məhdud vaxt, ehtimal ki, Rusiyanın döyüş effektivliyinə mane olur".

Qeyd edək ki, Böyük Britaniyanın Müdafiə Nazirliyinin bir hissəsi olan DI hərbi kəşfiyyat məlumatlarının toplanması və təhlili ilə məşğu olur.