Polşanın Baş naziri Mateuş Moravietski ölkəsinin öz tanklarını Ukraynaya təhvil verdiyini və bunun müqabilində Britaniyadan texnika aldığını təsdiqləyib. Lakin Moravietski bu hərbi yardımın təfərrüatlarını açıqlamaqdan imtina edib.

Bu barədə “Qafqazinfo” Polşanın “Polska Times” nəşrinə istinadən xəbər verir.

Belə ki, Moravietskidən Böyük Britaniyanın Baş naziri Boris Consonun Polşanın Ukraynaya tanklar göndərməsi və bunun müqabilində Britaniya texnikası alması ilə bağlı açıqlamasının doğru olub-olmaması soruşulub.

“Bəli” - deyə Polşanın Baş naziri cavab verib.

Eyni zamanda, Moravietski Ukrayna ordusuna verilən tankların sayı ilə bağlı suala cavab verməkdən imtina edib.