Yaxın zamanlarda Rusiyanın paytaxtı Moskvada “Luqansk və Donetsk Xalq Respublikaları”nın səfirlikləri açılacaq.

Bu barədə məlumatı diplomatik mənbəyə istinadən “RİA Novosti” yayıb.

“Bu məsələnin yaxın zamanlarda həyata keçməsi üçün səy göstərəcəyik, nə qədər tez olsa, bir o qədər yaxşıdır. Konkret iş üzərində işləyirik”, - deyə mənbə söyləyib.

Onun sözlərinə görə, Moskvada sözügedən qondarma respublikaların səfirlikləri bir və yaxud iki ay ərzində açıla bilər.

Xatırladaq ki, Rusiya “Luqansk və Donetsk Xalq Respublikaları”nın müstəqilliyini tanıdıqdan sonra fevralın 22-dən etibarən onlarla diplomatik münasibətlər qurub.