Rumıniya Senatının rəhbəri Florin Kıtsu, Şimali Makedoniya Assambleyasının (birpalatalı parlament) sədri Tələt Caferi və İsveçrə Milli Şurasının (parlamentin böyük palatası) sədri İrene Kalin çərşənbə günü Kiyevə səfər ediblər.

Spikerlər Ukrayna parlamentin sədri ruslan Stefançukla görüşüblər. 

"Biz Ukraynaya dəstəklə bağlı bütün məsələləri müzakirə etdik. Çox aydın şəkildə beş əsas istiqaməti müzakirə etdik, bunlar sanksiyalar siyasəti, maliyyə, humanitar dəstək, Avropaya inteqrasiyaya dəstək və Ukraynaya hərbi dəstəkdir” - Stefançuk görüşün yekunları üzrə Radanın Teleqram kanalında yayımlanan brifinqdə bildirib.

Ukrayna parlamentinin spikeri onu da bildirib ki, Rumıniya Kiyevə bütün lazımi yardımları, o cümlədən hərbi yardımı göstərməyə və qaçqınların qayğısına qalmağa, Şimali Makedoniya Ukraynanın bərpasına qoşulmağa hazırdır. İsveçrə də layihəyə qoşula bilər.

Rumıniya, Şimali Makedoniya və İsveçrənin spikerləri Kiyev vilayətinin İrpen və Qostomel yaşayış məntəqələrində də olublar.