Almaniyanın xarici işlər naziri Annalena Berbok elan olunmamış səfərlə Ukraynaya gəlib.

O, Rusiya ordusunun hərbi cinayətlər törətməkdə ittiham olunduğu Buçada yerli sakinlərlə görüşüb.

Almaniyanın XİN başçısı Kiyev yaxınlığındakı qəsəbəyə gələn xarici diplomat və liderlərin sonuncusudur.

Qeyd edək ki, şəhərin bir ay Rusiyanın nəzarətində olduğu müddətdə yüzlərlə ukraynalının öldürülməsinə və şəhər azad edildikdən sonra kilsədə kütləvi məzarlığın aşkarlanmasına baxmayaraq, Moskva Buçada hər hansı cinayət törədildiyini inkar edir.