ABŞ Danimarkanın əczaçılıq şirkəti “Bavarian Nordic”dən 13 milyon ədəd “Meymun çiçəyi” peyvəndi sifariş edib. 

Xarici KİV xəbər verir ki, qərar Massaçusets ştatında bir kişinin bu infeksiyaya yoluxmasından sonra qəbul edilib. 

Federal hökumət “Jynneos” peyvəndini almaq üçün 119 milyon dollarlıq müqavilə imzalayıb. Ümumilikdə hökumət firmadan 299 milyon dollar dəyərində peyvənd almağı planlaşdırır.

Danimarka şirkətindən bildirilib ki, peyvəndin ilk tədarükü 2023-cü ilə qədər göndəriləcək, lakin 13 milyon dozanın hamısı 2024-2025-ci illər arasında hazır edilə bilər.