Yəməndə siyasi vəziyyət durğunluq mərhələsindədir, bir yanlış addım bütün irəliləyişləri ləğv edə və ölkəni yenidən müharibə xaosuna sürükləyə bilər.

“Report” xəbər verir ki, bu barədə Rusiyanın BMT-dəki daimi nümayəndəsinin birinci müavini Dmitri Polyanski bildirib.

“Bu ölkədə siyasi vəziyyət durğunluq dövrünə qədəm qoyub. Ötən müddət ərzində müşahidə edə bildiyimiz Yəmən nizamlanmasının tempi yavaşlayır. Atəşkəsin iyunda uzadılmasından bir ay keçib, lakin o vaxtdan bəri heç bir ciddi irəliləyiş yoxdur. Əvvəlki təcrübə aydın şəkildə göstərdi ki, tərəflər prinsipcə razılığa gəlməyə qadirdirlər. Biz fikir ayrılıqlarının aradan qaldırılmasını və onların partiyalarının bir-birinə inamını gücləndirməyi səbirsizliklə gözləyirik”-deyə, o bildirib.