İraqda Məhəmməd əl-Sudaninin Baş nazir postuna namizədliyinin irəli sürülməsindən narazı olan nümayişçilər parlament binasına giriblər.

Bu barədə “Shafaq” agentliyi məlumat yayıb.

Bildirilib ki, İraqın baş naziri Mustafa Əl-Kazemi nümayişçiləri parlament binasından çıxmağa çağırıb.

Nümayiş iştirakçıları Bağdadın mərkəzində dövlət idarələri və səfirliklərin yerləşdiyi xüsusi mühafizə olunan “Yaşıl zona”ya, eləcə də hərbi aerodromla bitişik olan beynəlxalq hava limanına daxil olublar.