"Əgər Rusiya həftə sonuna qədər hücum əməliyyatına başlamasa, Ukrayna Silahlı Qüvvələri sistematik şəkildə əks-hücuma keçərək, rus ordusunu məhv edəcək".

Bunu ukraynalı hərbi ekspert Oleq Jdanov şəxsi "Telegram" hesabından etdiyi paylaşımda bildirib.

Jdanovun sözlərinə görə, hazırda Rusiya ilə Ukrayna arasında strateji oyun gedir: "Biz ilk dəfə öz strategiyamızı Rusiya üzərində yoxlamağa çalışırıq. Biz məcbur etdik ki, Rusiya öz qoşunlarını Ukrayanın şimalından geri çəkərək, cənubda toplasın. İndi Ukrayna müdafiəçilərinin yeganə vəzifəsi cənub cəbhəsindən hücuma keçən rusların qarşısını almaqdır".

"Hazırda bütün cəbhə boyu bu cür strateji oyunlar gedir. Rusiyanın həftə sonuna qədər vaxtı var. Əgər həftənin sonuna kimi onlar yeni hücum əməliyyatına başlamasa, biz əks-hücuma keçəcəyik. Və Dneprin sağ sahilindəki rus qruplaşmasını sistematik şəkildə məhv edəcəyik",- deyə ekspert bildirib.