“Rutgers” Universitetinin alimləri ABŞ və Rusiya arasında müharibə zamanı baş verə biləcək bütün ssenariləri araşdırıblar.

“Nature Food” elmi jurnalında dərc edilən araşdırmada nüvə müharibəsinin səbəb olduğu tüstü, qalıq və hisin günəş işığının qarşısını ala biləcəyi və milyardlarla insanın ölümünə səbəb ola biləcəyi ifadə edilib.

Qeyd olunub ki, iki ölkə arasında baş verə biləcək mümkün bir nüvə müharibəsi 5 milyarddan çox insanın ölümünə səbəb olacaq.

Bildirilib ki, kiçik miqyaslı nüvə müharibəsi isə qlobal ərzaq istehsalında geri dönməz dağıntılara səbəb ola bilər.

Tədqiqata rəhbərlik edən “Rutgers” Universitetinin Ətraf Mühit Elmləri İnstitutunun professoru Alan Robok bu barədə deyib:

"Bu məlumatlar bizə bir şeyi deyir: Biz hər hansı nüvə müharibəsinin qarşısını mütləq almalıyıq”.