İslamabadın Ali Məhkəməsi keçmiş baş nazir İmran Xanın məhkəməyə hörmətsizlikdə ittiham edilməsinə qərar verib.

Bu barədə “The Express Tribune” yazır.

“Bir gün əvvəl Xan hakim haqqında kobud şərhlərə yol verdiyi üçün peşman olduğunu bildirib. Ancaq bununla belə, siyasətçi rəsmi üzr istəməkdən imtina edib”, - deyə məlumatda qeyd olunur. 

Əvvəllər Pakistan polisi Xana qarşı terrorla mübarizə qanununu pozduğuna görə ittiham irəli sürüb. İttihamlar Xanın İslamabadda yüzlərlə tərəfdarının qarşısında çıxışından sonra irəli sürülüb. Siyasətçi görüş zamanı əsas köməkçilərindən biri olan Şahbaz Gillin həbsinə görə polis əməkdaşları və qadın hakimi məhkəməyə verməklə hədələyib.