“Ukraynalılar ölkənin şərqindəki strateji Balakleya şəhəri də daxil olmaqla 23 yaşayış məntəqəsini tamamilə azad ediblər. İnsanlar onları Ukrayna bayraqları ilə qarşılayır”.

Bu sözləri Gürcüstanın həbsdə olan sabiq Prezidenti Mixail Saakaşvili sosial şəbəkə hesabında paylaşıb. O bildirib ki, Ukraynanın əks hücumu ilə ruslar kütləvi şəkildə qaçır və ya əsir düşürlər.

“Biz gözləyirik ki, yaxın bir neçə gün ərzində onlar Kupyansk şəhərini də azad edəcəklər və bununla da Donbası təmin edən əsas Rusiya arteriyasını bağlayacaqlar. Kupyanskın meri artıq qaçıb, rus ordusu gedir. Həmçinin Sloviansk və Kramatosk yaxınlığında bir neçə kilometr irəlilədik. Balakleya ukraynalıların son aylarda geri aldıqları ilk şəhərdir. Amerikalılar dünən haubitsalar və hücum əməliyyatları üçün raketlər göndəriblər. Maksimum 2 həftədən sonra ordumuz Xerson yaxınlığında olacaq. İziumun alınmasından sonra Xarkov vilayətinin azad edilməsi başa çatacaq. Növbəti hədəf Xersonun azad edilməsi ilə yanaşı, Zaporojyenin işğal olunmuş hissəsinin də azad edilməsi və müvafiq olaraq Rusiya üçün Krıma quru dəhlizinin bağlanması olacaq. Bundan sonra Krım, Mariupol və Donetsk artıq zaman məsələsidir. Ukraynanın tam azad edilməsi və Rusiyanın tam məğlubiyyəti nəhayət, bu qışdan sonra möhürlənəcək”, - deyə o bildirib.