Havanın daha soyuq və rütubətli olduğu Şimali Avropa ölkələrində COVID-19-a yoluxma və xəstəxanaya yerləşdirilənlərin sayı artmaqdadır.

Politico xəbər verir ki, Belçika, Böyük Britaniya və Danimarkada həyəcanverici vəziyyət yaranıb.

Belçika Səhiyyə İdarəsi oktyabrın ortalarında bölgədə yeni COVID-19 dalğasının gözlənildiyini bildirib.

Son bir həftə ərzində bu ölkədə yeni koronavirusa yoluxma hallarının sayı 17%, xəstəxanaya yerləşdirilənlərin sayı isə 4% artıb.

Danimarkada da uzun müddət davam edən azalmadan sonra artım qeydə alınıb. Orada son bir həftə ərzində xəstəxanaya yerləşdirilənlərin sayı 6% artıb.

Eyni zamanda, Böyük Britaniyada həftə ərzində yeni yoluxma hallarının sayı 13%, xəstəxanaya yerləşdirilənlərin sayı isə 17% artıb.