Rusiya Ukraynanın Dnepr şəhərinə “İsgəndər” raketləri ilə zərbə endirib.

RegionXəbərləricom.az 24tv.ua-ya istinadən xəbər verir ki, bu barədə Dnepr şəhərinin hərbi müdafiə administrasiyasının başçısı Valentin Rezniçenko bildirib. Onun sözlərinə görə, nəticədə bir mülki şəxs ölüb, 5 nəfər yaralanıb.

Qeyd olunub ki, hadisə zamanı 52 sərnişin avtobusu yanıb.

Məlumata görə, raket zərbələri nəticəsində daha 98 sərnişin avtobusuna, bir neçə çoxmərtəbəli yaşayış binasına, eləcə də gimnaziya, mağaza və inzibati binalara zərər dəyib.

Rezniçenko qeyd edib ki, Rusiya hərbçilərinin həmçinin şəhərin Nikopolsk rayonunu “Qrad” və ağır artilleriyadan atəşə tutması nəticəsində fərdi yaşayış evlərinə ziyan dəyib.