Polşa Xarici İşlər Nazirliyi respublika vətəndaşlarını Belarusu tərk etməyə və bu ölkəyə səfərdən çəkinməyə çağırıb.

Müvafiq məlumat departamentin rəsmi saytında yerləşdirilib.

“Gərginliyin artması, regiondakı hərbi hadisələr və Polşa vətəndaşlarının təkrar həbs halları ilə əlaqədar XİN Polşa vətəndaşlarına Belarus Respublikasına getməməyi tövsiyə edir”, - deyə bildirilib.

Nazirlikdən qeyd olunub ki, təhlükəsizlik vəziyyətinin kəskin pisləşməsi, sərhədlərin bağlanması və ya digər gözlənilməz vəziyyətlər zamanı evakuasiya xeyli çətinləşə və ya hətta qeyri-mümkün ola bilər.