Avropa Komissiyası enerji böhranı ilə mübarizə üzrə yeni tədbirlər paketinin bir hissəsi olaraq, fövqəladə vəziyyət zamanı Aİ ölkələrini bir-biri ilə qaz paylaşmağa məcbur etməyi təklif edib. 

Bu barədə Avropa Komissiyasın mətbuat xidməti məlumat yayıb.

"Bütün Üzv Dövlətlər lazımi ikitərəfli həmrəylik sazişləri bağlamadığından, Avropa Komissiyası defolt qaydaları hazırlamağı təklif edir. Bu, fövqəladə vəziyyətlə üzləşən hər hansı üzv dövlətin ədalətli kompensasiya müqabilində başqalarından qaz almasını təmin edəcək", - deyə bəyanatda vurğulanıb.