Bu gecə Nikolayev vilayətində İrana məxsus 14 kamikadze PUA (pilotsuz uçan aparat) vurulub.

Bu barədə Ukraynanın Cənub Hava Komandanlığı məlumat yayıb.

“Oktyabrın 22-dən 23-nə keçən gecə Nikolayev rayonu üzərində Cənub Hava Komandanlığının hava hücumundan müdafiə qüvvələri və vasitələri düşmənin “Şahed-136” tipli 11 kamikadze pilotsuz uçuş aparatını vurub. Daha üçü isə Müdafiə Qüvvələrinin digər bölmələri tərəfindən vurulub”, - məlumatda deyilir.

Ukrayna Silahlı Qüvvələrinin Hərbi Hava Qüvvələri Komandanlığının sözçüsü Yuri İqnat bildirib ki, son iki həftə ərzində Ukrayna hərbçiləri tərəfindən İranın “Şahed-136” pilotsuz təyyarələrinin vurulmasının effektivliyi 85% təşkil edir. Sentyabrın 13-dən oktyabrın 19-dək Ukrayna səmalarında 223 belə pilotsuz uçuş aparatı məhv edilib.