İsveçrə bütün mümkün vasitələri təklif edir ki, Azərbaycanla Ermənistan arasında sərhədlərin demarkasiyası üçün həll yolu tapılsın.

Regionxeberlericom.az Trend-ə istinadən bildirir ki, bunu cümə günü İsveçrə prezidenti İnyasio Kassis deyib. O bu barədə ölkənin Federal Məclisində erməni lobbiçi-senator Karlo Samoruqanın başlatdığı müzakirələr zamanı sualları cavablandırarkən danışıb.

"Sentyabrın 14-dən həssas atəşkəs mövcuddur. İsveçrə öz narahatlığını müxtəlif yollarla - açıq, çoxtərəfli və ikitərəfli formada ifadə edir. İsveçrə əmindir ki, yalnız danışıqlar yolu ilə uzunmüddətli həll yolu tapıla bilər. Ölkə hər iki tərəfdaşa öz yaxşı imkanlarını təklif etdi. Bu kontekstdə hər iki ölkənin xarici işlər nazirləri oktyabrın 2-də Cenevrədə görüşdülər. Bir ay sonra - noyabrın 7-də Vaşinqtonda xarici işlər nazirləri səviyyəsində Cenevrə görüşünün ikitərəfli formatı yenidən bərpa olundu", - deyə İ.Kassis bildirib.