Dekabrın 23-də günorta radələrində müvəqqəti işğal olunmuş Melitopolun mərkəzində güclü partlayış səsi eşidilib. 

Ukrayna mediası bildirir ki, bu barədə şəhər meri İvan Fyodorov məlumat verib.

"Şahidlərin sözlərinə görə, Rusiya hərbçilərinin istifadə etdiyi avtomobil partladılıb. Sərnişinlərə və onların vəziyyətinə gəlincə, məlumat dəqiqləşdirilir", - Fyodorov “Telegram”da yazıb.

Bu arada yerli ictimai səhifələrdə partlayışın nəticələrini əks etdirən fotolar - alovlar içində qalan avtomobil yayılıb.