Dekabrın 28-də Fransanın müdafiə naziri Sebastyen Lekornyu Ukraynaya hərbi dəstəyin göstərilməsi məsələlərini müzakirə etmək üçün Kiyevə gedib.

Regionxeberlericom.az “RBK-Ukrayna”ya istinadən xəbər verir ki, səfər zamanı Ukraynanın müdafiə naziri Aleksiy Reznikovla görüş keçiriləcək. Tərəflər, digər məsələlərlə yanaşı, Ukraynaya Fransa silahlarının tədarükü məsələsini müzakirə edəcəklər.

Bu arada Fransa nəşrləri yazır ki, nazir gəlişindən dərhal sonra həlak olan qəhrəmanların xatirəsini yad etmək və Ukraynaya dəstəyini ifadə etmək üçün onların Xatirə Divarına gedib.