ABŞ bu həftə Ukraynaya 30-a yaxın “M1 Abrams” tankının təhvil verilməsini elan etməyi planlaşdırır. 

Bu barədə CNN məlumat yayıb.

Bildirilib ki, ABŞ Prezidenti Co Baydenin administrasiyası Kiyevi 30-a yaxın tankla təchiz etmək planlarını yekunlaşdırır. Ukrayna hərbçilərinin “Abrams”dan istifadə etmək üçün təlim keçməsi ilə bağlı qərar bu həftənin əvvəlində verilə bilər. Qeyd olunub ki, ABŞ tanklarla yanaşı, Ukraynaya az sayda zirehli xilasetmə maşınları da verə bilər.