Qırğızıstanda mədəsində onlarla kisə kokainlə ölkəyə uçan respublika vətəndaşı saxlanılıb.

Xarici media bildirir ki, 36 yaşlı kişi Almaniyadan Türkiyəyə, oradan da ölkəyə gəlib. Onun mədəsində ümumi çəkisi 300 qram olan 50 kisə kokain tapıblar. Saxlanılan şəxsin narkotik partiyasını Qırğızıstan ərazisində satmağı planlaşdırdığı bildirilir.

Ölkənin Daxili İşlər Nazirliyindən vurğulanıb ki, respublikada ilk dəfə olaraq külli miqdarda kokain götürülür. Müsadirə edilmiş partiyanın qara bazarda qiyməti qramı 500-2000 dollar arasındadır.