Altay diyarında 16 yaşlı yeniyetmə donaraq ölmüş halda tapılıb. Bu barədə REN TV məlumat yayıb.

Regionxeberlericom.az Rusiya KİV-ə istinadla bildirir ki, hadisə martın 7-də Zarinski rayonunun Xmelevka kəndində baş verib. Onuncu sinif şagirdi dostunun ad günündə onlarla spirtli içki qəbul edib və bilyard oynayıblar.

Sonra sərxoş yeniyetmə evə getmək üçün məclisi tərk edib. Dostları onu müşayiət etməyi təklif etsələr də, o, razılaşmayıb.

Gecə yarısından sonra anası onu axtarmağa başlayıb. Məlum olub ki, yeniyetmə küçədə yıxılıb və donaraq, ölüb. Boş ərazidə yatan məktəblinin cəsədini səhəri gün yoldan keçən xizəkçi aşkar edib.

Yeniyetmənin ölümü ilə bağlı cinayət işi başlanıb.