Ukrayna Prezidenti Volodimir Zelenski Baxmuta gedib.
Bu barədə Ukraynanın Prezident Ofisi məlumat yayıb.
Bildirilib ki, Prezident Donetsk vilayətinə işgüzar səfəri zamanı ukraynalı müdafiəçilərin Baxmut istiqamətindəki mövqelərinə baş çəkib.
Zelenski cəbhədəki vəziyyət və döyüş əməliyyatlarının gedişi ilə bağlı məruzələri dinləyib, hərbçilərlə söhbətləşib və onlara Ukraynanı qoruduqlarına görə təşəkkür edib:
“Mən bu gün burada, dövlətimizin şərqində, Donbasda olmaq və qəhrəmanlarımızı mükafatlandırmaq, təşəkkür etmək, əl sıxmaq şərəfinə nail oldum. Ukrayna dövlətini, onun suverenliyini, şərqini müdafiə etdiyiniz üçün sizə təşəkkür edirəm”.
Zelenski hərbçilərə mükafatları verib.