ABŞ-da Ukrayna Silahlı Qüvvələrinin planlaşdırılmış əks-hücum əməliyyatı öncəsi ordunu gücləndirmək planları ilə bağlı gizli sənədlər sızdırılıb.

Pentaqon mühüm məlumatları kimin sızdırdığını öyrənmək üçün araşdırma aparır.

Sənədlərdə qoşunların sayı və xəritədə Qərbin Ukrayna Silahlı Qüvvələri üçün silah tədarük etməyi planlaşdırdığı konkret nöqtələr barədə məlumatlar var. Bundan əlavə, sənədlərdə Pentaqonun fikrincə, Ukrayna qüvvələrinə planlaşdırılan əks-hücumdan əvvəl lazım ola biləcək aktivlər və avadanlıqlar sadalanır.

ABŞ rəsmiləri 100-dən çox sənədin sızdığını və bunun ölkəyə  böyük ziyan vura biləcəyini bildirib. Sənədlərdə, həmçinin ABŞ-ın milli təhlükəsizliyi barəsində məlumatlar da var.