Ermənistanda 44 günlük İkinci Qarabağ müharibəsi zamanı xəstəliyini bəhanə edərək döyüş əməliyyatlarında iştirakdan yayınmış yüksək rütbəli zabit məhkəmənin sanksiyası ilə həbs edilib.

Məlumatı Ermənistanın İstintaq Komitəsi yayıb.

İlkin araşdırma zamanı məlum olub ki, polkovnik rütbəli hərbçi ölkədə elan olunmuş hərbi vəziyyət şəraitində heç bir səbəb olmadan oktyabrın 10-dan noyabrın 3-dək tibb müəssisəsində stasionar müalicə alıb.

Adı hələlik mətbuata açıqlanmayan hərbçiyə qarşı iki aylıq həbs qəti imkan tədbiri seçilib.

Mənbə: Sputnik Ermənistan