NATO-nun Baş katibi Yens Stoltenberq bu ilin payızında səlahiyyət müddəti başa çatdıqdan sonra vəzifəsini tərk etmək niyyətində olduğunu təsdiq edib. 

Regionxeberlericom.az TASS-a istinadən xəbər verir ki, Stoltenberq bu barədə Kopenhagendə keçirilən “Demokratiya sammiti”ndə çıxışı zamanı danışıb. 

Onun sözlərinə görə, payızda sözügedən vəzifəni tərk etməkdən başqa planları yoxdur. 

Xatırladaq ki, Stoltenberqin NATO Baş katibi olaraq səlahiyyət müddəti 2023-cü ilin sentyabrında başa çatır. O, 9 ilə yaxındır ki, bu vəzifəni icra edir və bu postda 3 dəfə mandatının müddətini uzadıb.