Baltik dənizində və Kalininqrad vilayətində yerləşən hərbi poliqonlarda Rusiya Federasiyasının Baltik Donanmasının təlimləri başlayıb.

Bu barədə donanmanın mətbuat xidmətindən məlumat verilib.

Qeyd olunub ki, təlimlərə Baltik Donanmasının komandanı, vitse-admiral Vladimir Vorobyov rəhbərlik edir. İyunun 15-dək davam edəcək manevrlər zamanı dəniz kommunikasiyaları və donanma baza nöqtələri istiqamətində təlimlərin keçirilməsi planlaşdırılır.

Ümumilikdə təlimlərə 40-a yaxın suüstü döyüş gəmisi, kater və dəstək gəmisi qatılıb. Bundan əlavə, təlimlərə 2 500-dən çox hərbi qulluqçu, 25-ə qədər təyyarə və helikopter, 500-ə qədər xüsusi texnika da cəlb olunub.

Mənbə: MK.ru