ABŞ-nin Nyu-York ştatının bir milyon sakininə pulsuz tibbi maska paylanılacaq.

Buna səbəb Kanadada meşə yanğınları nəticəsində havanın keyfiyyətinin kəskin şəkildə pisləşməsidir.

Nyu-Yorkun qubernatoru ştatdakı son vəziyyəti ekologiya sahəsində böhran adlandırıb.

O, əlavə edib ki, Nyu-Yorkda ictimai nəqliyyat dayanacaqlarında və qatar stansiyalarında 400 min tibbi maskanın paylanması planlaşdırılır.

“Qalan 600 min maska isə ştatın digər şəhərlərinə paylanacaq”, - deyə qubernator Katlin Hokul bildirib.