“Məsələnin güc yolu ilə həllinə cəhd edilərsə, Moskva Dağlıq Qarabağın müstəqilliyini asanlıqla tanıya bilər”

Regionxeberlericom.az moderator.az-a istinadla xəbər verir ki, 7or.am xəbər saytının yaydığı məlumata görə, bunu erməni şərqşünas və politoloq Karine Gevorqyan amerikalı jurnalist Stiv Dudniklə müsahibəsində söyləyib.

Üzdəniraq politoloq Cənubi Qafqazdakı hazırkı vəziyyəti, Ermənistanla Azərbaycan arasında aparılan danışıqları, eləcə də Qarabağ münaqişəsinin həlli perspektivlərini şərh edərək qeyd edib ki, Moskva bu məsələni asanlıqla həll edə bilər. Onun sözlərinə görə, problemin güc yolu ilə həllinə cəhd edilərsə, Rusiya “Dağlıq Qarabağın müstəqilliyi”ni tanıya bilər.

Zəruri şərh:

Doğrudanmı indiki situasiyada Kreml “artsaxın müstəqilliyi”ni tanıya bilər? Qoy bunu politoloqlarımız geniş şərh etsinlər... Ancaq Ukraynanın işğalı zamanı etdiklərindən sonra görünən odur ki, Putinin qurduğu “KQB”-“FSB”-korrupsiya rejimindən hər cür həyasızlıq gözləmək olar. Əgər Azərbaycan Rusiyadan bir az uzaqlaşmağa cəhd edərsə və Türkiyə onunla son illərdəki kimi müttəfiqlikdən üz döndərərsə, əlbəttə, Moskva hər cür fahişəyana addım ata bilər...