Sankt-Peterburq limanında gömrükçülər banan olan konteynerdə gizlədilən 50 kq kokain aşkar ediblər.

Regionxeberlericom.az Rusiya mediasına istinadla bildirir ki, ələ keçirilən narkotikin təxmini dəyəri 450 milyon rubldan (təxminən 9 milyon 45 min manat) çoxdur. Məlumata görə, yükləri Afrika ölkələrindən Avropaya, oradan tranzitlə Özbəkistana keçirmək istəyiblər.

Faktla bağlı narkotik qaçaqmalçılığı maddəsi ilə cinayət işi açılıb. Şübhəliləri 1 milyon rubla (təxminən 20 min 100 manat) qədər cərimə ilə ömürlük həbs gözləyir.