Kemerovo vilayətinin Anjero-Sudjensk şəhərinin rəhbəri Aleksandr Rıbalko səlahiyyət həddini aşdığına görə saxlanılıb.

Regionxeberlericom.az Rusiya KİV-ə istinadla bildirir ki, şəhər meri ilə birlikdə bələdiyyə əmlakının idarə edilməsi komitəsinin keçmiş sədri də tutulub.

İstintaqın məlumatına görə, şübhəlilər 2020-ci ilin oktyabr-dekabr ayları ərzində qəzalı vəziyyətdə olan evlərdən köçürülənlər, habelə kimsəsiz uşaqlar üçün sərmayə qoyaraq sonradan mənzil almaq məqsədi ilə iki yaşayış binasının tikintisində kommersiya tikinti şirkəti ilə 40 bələdiyyə müqaviləsinin bağlanmasını təşkil ediblər.

İstintaq aydınlaşdırır ki, şirkətə 117 milyon rubl köçürülüb, lakin sifariş yerinə yetirilməyib və hazırda ləğvetmə prosesindədir.