Rusiya Prezidenti Vladimir Putin məmurlardan ölkədə istehsal olunan avtomobil sürmələrini və dövlət tərəfindən xarici avtomobillərin alınmamasını tələb edib.

O qeyd edib ki, daha sadə maşınlarda səfərlər dövlət qulluqçularına yerli brendlərin inkişaf etdirilməsinin və bu yöndə çalışmağın zəruriliyini xatırladacaq.

“Ölkənin bütün məmurları yerli avtomobillərdən istifadə etməlidirlər”, - deyə o, istehsal müəssisələri rəhbərləri ilə görüşdə bildirib.

Putin qeyd edib ki, nazirliklər, idarələr və Prezidentin Ofisi xarici avtomobillərin alınmasının davam etdirilməsini xahiş edirlər.

“Mən dedim ki, bu, tamamilə istisna edilməlidir”, - deyə o vurğulayıb.

Putin etiraf edib ki, Rusiya avtomobilləri xarici avtomobillərdən daha sadə ola bilər və bu hətta yaxşı haldır.

“Bütün möhtəşəm məmurlarımız başa düşməlidirlər ki, yerli brendlərin, yerli avtomobillərin və digər yerli məhsulların inkişafı üçün səy göstərmək lazımdır”, - deyə o əlavə edib.

Mənbə: Forbes.ru