Ukrayna hərbçiləri Xarkov vilayətinin Andreevka kəndi yaxınlığında “kadırovçu”larla necə döyüşdüklərini nümayiş etdiriblər.

Qeyd edək ki, “kadırovçular” Rusiya Milli Qvardiyasının və Daxili İşlər Nazirliyinin Çeçenistan Respublikasında yerləşən və şəxsi heyəti çeçenlərdən cəlb olunmuş bölmələrinin qeyri-rəsmi adıdır. Həmçinin bu söz Ukraynada döyüşmək üçün 2022-ci ildə yaradılmış Şimal-Axmat, Cənubi-Axmat, Qərb-Axmat və Şərq-Axmat batalyonlarında olan könüllülərə aid edilə bilər.

Milli Təhlükəsizlik və Müdafiə Şurasının katibi Aleksey Danilov bir müddət əvvəl Rusiya prezidenti Vladimir Putinin sədaqətsiz generalları aşkar etmək üçün “vaqnerçilər” tərəfindən üsyan keçirməyə razılıq verdiyini bildirib. Bu, üsyan cəhdindən sonra "Vaqner" özəl hərbi şirkətinin rəhbəri Yevgeni Priqojinin niyə cəzalandırılmamasının izahıdır.