Alabama ştatında ABŞ tarixində ilk dəfə olaraq məhbus təmiz azotla edam edilə bilər.

Xarici medianın məlumatına görə, Alabama prokurorluğu 58 yaşlı məhbusun edam tarixinin təyin edilməsi üçün yerli məhkəməyə vəsatət qaldırıb. Həmin şəxsin yalnız azotla nəfəs almağa məcbur edilərək edam edilməsinin planlaşdırıldığı dəqiqləşdirilir. Beləliklə, məhbusun ölümü hipoksiya nəticəsində baş verəcək.

Qeyd edək ki, ABŞ-ın üç ştatında qanuni olmasına baxmayaraq, məhbusların bu cür edam üsulu əvvəllər heç vaxt istifadə olunmayıb.