Qabon prezidenti Əli ben Bonqo Ondimba prezident iqamətgahı ərazisində hərbçilər tərəfindən saxlanıldığını təsdiqləyən videomüraciət yayıb.

Videomüraciət X sosial şəbəkəsində (keçmiş Twitter) "Mimi Mefo Info" informasiya portalının səhifəsində yayımlanıb.

"Dünyadakı bütün dostlarımıza müraciət edərək, məni və ailəmi saxlayan insanların əməllərinə münasibət bildirməyi xahiş edirəm. Oğlum naməlum yerdə, həyat yoldaşım başqa yerdə, mən iqamətgahdayam. Hazırda mən iqamətgahdayam və nə baş verdiyini bilmirəm”, - Qabon prezidenti deyib.

Müraciət ingilis dilində yayımlanıb.