İsrailin Baş naziri Benyamin Netanyahu və ABŞ Prezidenti Co Bayden arasında telefon danışığı olub.

Bu barədə yəhudi dövləti hökumətinin mətbuat xidməti məlumat yayıb.

Söhbət zamanı Baş nazir Fələstin anklavında uzunmüddətli hərbi əməliyyata ehtiyac olduğunu bildirib:

"ABŞ Prezidenti Co Bayden bu gün, 7 oktyabr 2023-cü il tarixində Baş nazir Benyamin Netanyahuya zəng edərək ABŞ-ın İsrailin yanında olduğunu və İsrailin özünümüdafiə hüququnu tam dəstəklədiyini vurğuladı. Baş nazir Netanyahu ABŞ Prezidenti Baydenə qeyd-şərtsiz dəstəyə görə təşəkkür edib və Qəzza zolağında İsrailin qalib gələcəyi güclü və davamlı kampaniyanın aparılmasının zəruri olduğu aydın şəkildə bildirdi”, - məlumatda deyilir.

Qeyd edək ki, İsrail ərazisinə raket hücumları şənbə günü səhər tezdən Qəzza zolağından başlayıb. Təl-Əviv ərazisi və ətrafı da daxil olmaqla, ölkənin bir çox yerində səhər saat altının yarısından fasiləsiz olaraq həyəcan siqnalları səslənib. HƏMAS artıq İsrailə 5 min raket atıldığını iddia edir. İsrail Müdafiə Qüvvələrinin sözçüsü Daniel Hagari bildirib ki, Qəzza zolağından ən azı 2200 raket atılıb. Son məlumatlara görə, İsrailə raket zərbələri nəticəsində azı 40 nəfər ölüb, 740-dan çox insan yaralanıb.