Son 24 saat ərzində İsrail Müdafiə Qüvvələrinin (İDF) Hərbi Hava Qüvvələri Qəzza zolağında HƏMAS-ın 200 hərbi obyektinə zərbələr endirib.

Bu barədə ordunun mətbuat xidməti məlumat yayıb.

“Son 24 saat ərzində İsrail Hərbi Hava Qüvvələri terror qruplaşmaları, silah istehsalı emalatxanaları, tank əleyhinə raket qurğuları və əməliyyat komandanlıq mərkəzləri də daxil olmaqla 200 hədəfə zərbələr endirib. Bundan əlavə, gecə saatlarında İsrail Hərbi Dəniz Qüvvələri HƏMAS-ın hərbi dəniz hərbi birləşmələrinin təlim və silah saxlamaq üçün istifadə etdiyi hərbi düşərgəyə zərbələr endirib”, - məlumatda bildirilib.

Məlumatda, həmçinin bildirilib ki, İDF qırıcı təyyarələri və helikopterləri əsgərlərə tank əleyhinə raketlər atan terror qruplaşmasına zərbələr endirib.