İsrail Müdafiə Qüvvələrinin (İDF) əsgərləri Qəzza zolağının şimalında İslami Cihad qruplaşmasının komandirinin möhkəmləndirilmiş mövqeyini ələ keçirib.

Bu barədə ordunun mətbuat xidməti məlumat yayıb.

“Kəşfiyyat məlumatları əsasında İDF qoşunları Qəzza zolağının şimalında İslami Cihad komandirinin möhkəmləndirilmiş mövqeyinə nəzarəti ələ keçirib. Burada təşkilatın ən yüksək səviyyəli terrorçularının ofisləri və strateji silah istehsalı obyektləri yerləşir. Reyd zamanı qoşunlar ağır raketlər, PUA-lar və əlavə silahlar aşkar ediblər”, - məlumatda bildirilib.

“Hərbçilər möhkəmləndirilmiş mövqeyə zərbə endiriblər”, - mətbuat xidməti əlavə edib.