“İsrail və HƏMAS hərəkatı arasında humanitar atəşkəs cümə günü Bakı vaxtı ilə saat 09:00-da başlayacaq”.

“Al Jazeera” xəbər verir ki, bu barədə Qətər Xarici İşlər Nazirliyinin rəsmi nümayəndəsi Məcid bin Məhəmməd əl-Ənsari bildirib.

“Qəzza zolağında atəşkəs sabah, cümə günü yerli vaxtla saat 07:00-da başlayacaq”, - Əl-Ənsari deyib.

Diplomat vurğulayıb ki, münaqişə tərəfləri arasında razılaşma Qəzza zolağının bütün ərazisində dörd gün ərzində hərbi əməliyyatların tam dayandırılmasını nəzərdə tutur:

“Hər hansı hərbi fəaliyyətin bərpası sazişin şərtlərinin pozulması kimi qiymətləndiriləcək. Ümid edirik ki, bu humanitar atəşkəs daimi atəşkəsə və davamlı sülhə nail olmaq üçün daha geniş işlərin başlanmasına səbəb olacaq”.